DSC07648.jpgA continuación vostede, poderá encontrar dentro desta sección, toda a información necesaria para poder utilizar o Albergue de Peregrinos do concello de Xunqueira de Ambía. Vostede pode atopar horarios, condicións de uso e moitos máis servizos.

 

 

  • Horarios:

 Horarios_Albergue.png

 

Capacidade:

O Albergue de peregrinos de Xunqueira de Ambía, conta con 24 prazas, sendo o pavillón de deportes utilizado para grupos numerosos.

Condicións e servizos:

Dende o 1 de xaneiro de 2008, para poder acceder aos albergues o peregrino deberá comprar en cada un deles, un bono albergue (5€), que o habilita unicamente para o uso das instalacións nas que foi adquirido e na data que figura no anverso. Non será válido en calquera outra data nin outro albergue.

Só se poderá permanecer unha noite en cada albergue, a excepción dos albergues do Monte do Gozo e San Lázaro, ambos os dous ubicados en Santiago de Compostela, e o número de peregrinos acollidos cada día estará limitado ás camas que teña cada instalación.

A orde de preferencia é:

  • peregrinos a pé.
  •  a cabalo.
  •  en bicicleta.
  •  e os que viaxan en coche de apoio.

Unha vez adquirido o bono, é moi importante que se conserve ata que se abandone o albergue, no caso contrario, os albergueros/as poderán pedirlle ao peregrino que desaloxe as instalacións.

O albergue permanecerá aberto dende as 12:30 horas ata as 22:00 horas.

 




2013 © Concello Xunqueira de Ambía

Praza San Rosendo nº 1, Xunqueira de Ambía. Tel 988436069. Fax 988436040

2012 © CREOWEBS. Diseñamos y creamos